دوای راگەیاندنی نێوان حیزبوڵای لوبنان و ئیسرائیل، سەرکردەیەکی بزوتنەوەی حەمماس رایگەیاند، ئەوانیش ئامادەی راگەیاندنی ئاگربەستن لەگەڵ ئیسرائیل.

هەواڵ:KNNC

بەرپرسێكی باڵای بزوتنەوەی حەمماس بە ئاژانسی فرانس پرێس-ـی راگەیاندوە، لەدوای راگەیاندنی ئاگربەست لە نێوان حیزبوڵا و ئیسرائیل لە لوبنان، ئەوانیش ئامادەن بۆ راگەیاندنی ئاگربەست لەگەڵ سوپای ئیسرائیل.

ئاماژەی بەوەشکردوە، ئاگربەست لە لوبنان سەرکەوتن و دەستکەوتێکی گەورەیە بۆ حیزبوڵا.

جەختیلەوەشکردوەتەوە، بزوتنەوەی حەمماس وڵاتانی نێوەندگیری وەک (میسر، قەتەر، تورکیا)ـی ئاگادارکردوەتەوە، کە ئامادەن بۆ راگەیاندنی ئاگربەست و ئاڵگۆڕی بارمتەکان لەگەڵ سوپای ئیسرائیل، بەمەرجێک ئیسرائیل پابەندی رێککەوتنەکان بێت.

شەوی رابردو، جۆ بایدنی سەرۆکی ئەمەریکا، رایگەیاند، حیزبوڵای لوبنان و ئیسرائیل گەیشتونەتە ئاگربەست و ماوەکەشی 60 رۆژە، ئامانجیشیانە بیکەنە ئاگربەستێکی هەمیشەیی.