لەگەڵ ئەگەرى سەردانى سەرۆککۆمارى تورکیا بۆ سوریا، پێنج وەزیرى وڵاتەکەش بەنیازن بەمەبەستى گفتوگۆ لەگەڵ هاوتا سورییەکانیان بگەنە وڵاتەکە.

هەواڵ:KNNC

رۆژنامەى (حوریەت)ـى تورکیا بڵاویکردوەتەوە؛ پێنج وەزیرى تورکیا بەنیازن سەردانى دیمەشق بکەن و لەوێ لەگەڵ هاوتا سورییەکانیان کۆببنەوە کە بەمنزیکانە لە حکومەتى نوێدا دەستبەکار دەبن.


رۆژنامەکە ئاماژەى بۆ ئەوەکردوە کە ئەو وەزیرانەى سەردانى سوریا دەکەن بارسەلان بەیرەقدار، وەزیرى وزە و عەبدولقادر ئۆرالۆغڵو وەزیرى گواستنەوە و موراد کوروم وەزیرى ژینگە و یەشار گولەر، وەزیرى بەرگرى و  محەمەد ئارسۆى وەزیرى رۆشنبیرى لە خۆدەگرێت.


ئەمەش لەکاتێکدایە، رۆژى یەکشەممە، هاکان فیدان وەزیرى بەرگریی تورکیا گەیشتە دیمەشق و لەگەڵ ئەبو ئەحمەد جۆلانی کۆبوەوە و میدیاکانى تورکیاش باس لەوەدەکەن کە بڕیارە رەجەب تەیب ئەردۆغان، سەرۆککۆمارى تورکیاش بە سەردانێک بکاتە ئەو وڵاتە.