راگەیاندنی ئەنجومەنی نوێنەران خشتەی دانیشتنی سبەینێی ئەنجومەنەكەی بڵاو كردوەتەوە كە خوێندنەوەی دوەم بۆ پڕۆژە یاسای بودجەی هەرسێ ساڵی (2023، 2024 و 2025) دەكرێت.


هەواڵ: (KNNC)


ئەمڕۆ چوارشەممە، ئەنجومەنی نوێنەرانی عێراق خشتەی دانیشتنی سبەینێ پێنجشەممەی ئەنجومەكەی بڵاوكردەوە كە تیایدا ئاماژە بۆ ئەوەكراوە، لە بڕگەی یەكەم و دوەم تایبەت كراوە بە دەنگدان لەسەر ماددەی (36) كە تایبەتە بە  پڕۆژە یاسای دەزگای هەواڵگری و هەمواركردنەوەی یاسای (32)ـی تایبەت بە پاسپۆرت.


ئەوەشیخستوەتەڕو، ئەنجومەنی نوێنەران خوێندنەوەی دوەم بۆ پڕۆژە یاسای بودجەی هەرسێ ساڵی (2023، 2024 و 2025) دەكات.


راگەیاندنی ئەنجومەنی نوێنەران راشیگەیاندوە: بڕگەی چوارەمی دانیشتنەكەی ئەنجومەنی نوێنەرانی عێراق تایبەت كراوە بە خوێندنەوەی دوەم بۆ پڕۆژە یاسایی فڕۆكەوانی مەدەنی كە لەلایەن لیژنەی پەیوەندی و گواستنەوەوە ئامادەكراوە، ئاماژەی بۆ ئەوەشكردوە كە دانیشتنەكە لە كاتژمێر (01:00)ـی دوانیوەڕۆوە دەستپێدەكات.