بەهۆی لابردنی خوێندنەوەی دوەم بۆ هەمواری یاسای جودجە، فراكسیۆنە كوردیییەكان بایكۆتی دانیشتنی پەرلەمانی عێراقیان كرد.


هەواڵ: (KNNC)


د.بڕیار رەشید، ئەندامی ئەنجومەنی نوێنەرانی عێراق بە (KNN)ـی راگەیاند: بەهۆی لابردنی خوێندنەوەی دوەم لەخشتەی دانیشتنەكە بۆ هەمواری یاسای بودجەی هەرسێ ساڵەی (2023، 2024 و 2025) فراكسیۆنە كوردییەكان بایكۆتی دانیشتنی ئەمڕۆی ئەنجومەنی نوێنەرانیان كردوە.


ئاماژەی بۆ ئەوەشكرد: بەبایكۆت كردنی فراكیسیۆنە كوردییەكان، نیسابی یاسایی دانیشتنەكەیان شكاندوە، بۆیە دانیشتنەكەی ئەمڕۆ هەڵگیرا و دواخرا بۆ رۆژی شەممە (2024/12/7).


بەپێی خشتەی دانیشتنی ئەمڕۆ چوارشەممەی ئەنجومەنی نوێنەرانی عێراق، بڕیار بو لە بڕگەی سێیەمی دانیشتنەكەدا خوێندنەوەی دوەم بۆ هەمواری یاسای بودجەی هەرسێ ساڵەی (2023، 2024 و 2025) بكرێت.

بڕیار نامیق