ئەمڕۆ هەینی وەزیرانی دەرەوەی ئێران و سوریا گەیشتنە بەغداد، بڕیارە لەگەڵ لەگەڵ هاوتا عێراقییەکەیان لەبارەی رەوشی سوریا گفتوگۆ دەکەن.

هەواڵ:KNNC

کەمێک پێش ئێستا عەباس عێراقچی، وەزیری دەرەوەی ئێران گەیشتە فڕۆکەخانەی بەغدا و بڕیارە لەگەڵ کاربەدەستانی عێراق لەبارەی پێشهاتەکانی سوریا گفتوگۆ بکات.

لە ئێستاشدا بەسام سەباغ، وەزیری دەرەوەی سوریا لە بەغدادە و بڕیارە لەگەڵ هەریەک لە وەزیرانی دەرەوەی عێراق و ئێران دواین پێشهاتەکان و دۆخی سوریا تاوتوێ بکەن.

میدیا عێراقییەکان بڵاویانکردوەتەوە، ئامانجی کۆبونەوەکە کارکردنە بۆ زیادکردنی هاوکارییەکان لە نێوان هەرسێ لا و پێشگرتن بە فراوانبونی گرژییەکانی سوریا و ناوچەکە.

بڕیارە دوای سەردانەکەی بۆ بەغداد، عەباس عێراقچی وەزیری دەرەوەی ئێران، بەسەردانێکی فەرمی بچێتە دۆحەی پایتەختی قەتەر، بۆ بەشداریکردن لە کۆبونەوەی وەزیرانی دەرەوەی ئێران، تورکیا، روسیا.