مەزڵوم عەبدی، فەرماندەی گشتی هێزەکانی سوریای دیموکرات رایگەیاند، 250 هەزار کورد لە حەلەب ژیانیان لە مەترسیدایە، وتیشی، چیتر نایانەوێت ببنە بەشێک لە شەڕ لە سوریا.

هەواڵ:KNNC

مەزڵوم عەبدی فەرماندەی گشتی هێزەکانی سوریای دیموکرات(هەسەدە)، ئەمڕۆ هەینی لە کۆنگرەیەکی رۆژنامەوانیدا هەڵوێستی خۆی لەبارەی دۆخی سوریا و نوێترین پێشهاتەکان لە وڵاتەکە راگەیاند و داوای ئاگربەستی نێوان گروپە چەکدارەکانیش دەکات.

عەبدی لە کۆنگرە رۆژنامەوانییەکەیدا ئەم قسانەی کرد:

-250 هەزار کورد لە حەلەب ژیانیان لە مەترسیدایە

-دەمانەوێت کێشەکان لە حەلەب بە گفتوگۆ چارەسەربکرێت

- توانای ئەوەمان هەیە و ئامادەین گەلەکەمان لە هەمو هێرشی گروپە چەکدارەکان بپارێزین

- دۆخێکی سەربازی نوێ لە هەرێمی باکور و رۆژهەڵاتی سوریا هاتوەتە ئاراوە و توانامان هەیە، هەرێمەکە بپارێزین

- داعش هەندێک ناوچەی کۆنتڕۆڵ کردوە و چالاکییەکانی زیادی کردوە، بۆ روبەڕوبونەوەی لەگەڵ هاوپەیمانی نێودەوەڵەتی بەردەوامین لە ئەرکەکانمان

- دەمانەوێت کێشەکانمان لەگەڵ تورکیا لە مەنبج و ناوچەکانی باکور و رۆژهەڵاتی سوریا بە دیالۆگ چارەسەر بکەین

- دەمانەوێت ئاگربەست لە نێوان گروپە چەکدارەکان هەبێت رابگەیەنرێت

- بەرگری لە دانیشتوانی گەڕەکەکانی شێخ مەقسود و ئەشرەفیە دەکەین

- گروپە چەکدارەکانی سەر بە تورکیا مەترسیدارن، هەرەشەی هێرشی ئەو گروپانەمان لەسەرە

- ئێمە لەگەڵ چارەسەری سیاسی و دیپلۆماسی قەیرانەکانی سوریاین

- هەماهەنگیمان لەگەڵ عێراق و سوریا هەیە

- لەچوارچێوەی چارەسەرکردنی کێشەی گەڕەکە کوردییەکان پەیوەندیمان لەگەڵ تەحریر شام هەیە

- چیتر نامانەوێت ببینە بەشێک لە شەڕی سوریا

- بەهاوکاری ئەمەریکا ئاوارەکانی شەهبا-ـان رزگارکرد

-هەرێمی تەبقا، رەققا، دێرەزور لە چەکدارانی داعش دەپارێزین