بۆ بەدەستهێنانی كۆپتەر لە جۆری (KUH-1) وەزارەتی بەرگری عێراق گرێبەستی لەگەڵ کۆریای باشور ئەنجام داوە.


هەواڵ: (KNNC)


گۆڤاری میلیترینی تایبەت بە كاروباری سەربازی رایگەیاندوە: کۆمپانیای کای کۆریای باشور لەگەڵ وەزارەتی بەرگری  حکومەتی عێراق گرێبەستی بۆ کڕینی هەلیکۆپتەر لە جۆری (KUH-1)كە نرخەكەی (93) ملیۆن دۆلاری ئەمەریكییە واژۆكردوە.


رونیكردوەتەوە، لەدوای راگەیاندنی خواستی کۆریای باشور بۆ هەناردەکردن، عێراق یەکەم وڵاتە لەسەر ئاستی جیهان کە ئەم فڕۆکە کۆرییانە بەدەست دەهێنێت، ئەوەشیخستوەتەڕو، دوای بڕیارەكەی عێراقیش، حکومەتی ڤێتنام بڕیاریدا بیر لە کڕینی ئەو جۆرە فڕۆكە بكاتەوە.


گۆڤاری میلیترینی ئاماژەی بۆ ئەوەشكردوە، لە بازاڕە سەربازییەكاندا کۆپتەرە کۆریەکان، رکابەرێکی سەرەکی فڕۆکەی  (بلاک هۆک)ـی ئەمریکیی دەكەن، هەروەها ئەو رێکەوتنە لەگەڵ عێراق دەبێتە دەروازەیەک کە کۆریای باشور بتوانێت لەڕێگەیەوە بچێتە ناو بازاڕی کۆپتەرە سەربازییەكان لە جیهانیدا.