سەرۆکى دەستەى تەحریر شام رایدەگەیەنێت کە ئەو خۆى وەک ئازادکەریی سوریا نابینێت، دەشڵێت: نوسینەوەى دەستورێکى نوێ بۆ وڵاتەکە و رێکخستنى هەڵبژاردن سێ بۆ چوار ساڵ دەخایەنێت، لەبارەى پەیوەندییەکانیشیان لەگەڵ کورد دەڵێت: لە پەیوەندیداین.

هەواڵ:KNNC

ئەبو محەمەد جۆلانى، سەرۆکى دەستەى تەحریر شام، لە چاوپێکەوتنێکى لەگەڵ کەناڵى ئەلعەرەبییە رایگەیاندوە؛ من خۆم وەک ئازادکەرى سوریا نابینم و خەڵکى سوریا خۆى رزگارکەریی خۆیەتى.

ئاماژەى بۆ ئەوەشکردوە کە گروپەچەکدارەکان هەوڵێکى زۆریانداوە لەکاتى پرۆسەى ئازادکردنى سوریا کەمترین زیان بکەوێت و گۆڕینى دەسەڵات بەشێوەیەکى  ئاشتیانە و هێمنانە بێت.

لە بەشێکى دیکەى قسەکانیدا جۆلانى باسى لە پەیوەندییەکانیان لەگەڵ کورد کردوە و دەڵێت: لە ئێستادا لەگەڵ هێزەکانى سوریاى دیموکرات لە پەیوەندیدان بۆ چارەسەرکردنى قەیرانەکانى باکورى رۆژهەڵاتى روسیا و دواتریش لکاندنى هێزەکانیان بە هێزى حکومەتى وڵاتەکەوە.

وتوشیەتى: کورد بەشێکى دانەبڕاوە لە پێکهاتەکانى سوریا و جەختیشى کردوەتەوە کە وڵاتەکە نابێت "کەرت کەرت" بکرێت.

لە بەشێکى دیکەى قسەکانیشیدا ئەبو ئەحمەد جۆلانى باسى لەوەکردوە کە بە هیواوەن ئیدارەى نوێی ئەمەریکا و دۆناڵد ترەمپ سزاکانى سەر سوریا هەڵبگرێت.