ئەنجومەنی باڵای دادوەریی عێراق لەپێناو دروستنەبونى بۆشایی یاسایی، تەمەنی کۆمسیۆنی هەڵبژاردنەکانی بۆ دوو ساڵى دیکە و بۆ جارى دوەم درێژکردەوە و درێژکردنەوەکەش لەسەر داواکاریی کۆمسیۆن خۆی بوە.

هەواڵ:KNNC


ئەنجومەنی باڵای دادوەریی عێراق بڕیاریدا بە درێژکردنەوەی تەمەنی ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکانی عێراقی بۆ ماوەی دو ساڵ و تا 6ی کانونی دوەمی ساڵی 2027.

درێژکردنەوەی ئەمجارەی تەمەنی کۆمسیۆن لەپاش ئەوە دێت، لە 22ی ئایاری ساڵی 2024 لە دانیشتنێکی پەرلەماندا، تەمەنی کۆمسیۆن تا حەوتی ئەم مانگە درێژکرایەوە.

ئەنجومەنەکە لە بڵاوکراوەیەکدا رایگەیاند: هەرچەندە درێژکردنەوەی تەمەنی کۆمسیۆن کاری ئەوان نییە، بەڵام بڕیارەکە لەسەر داواکاریی کۆمسیۆن خۆی بوە لە دادگە.

ئاماژەی بەوەشکردوە، بەو پێیەی سبەی نۆی مانگ، وادەی کارکردنی کۆمسیۆنەکە کۆتایی دێت و لەپێناو دروستنەبونی بۆشایی یاساییدا بوە، لە کاتێکدا دەبو پەرلەمان لەم هەفتەیەدا لەسەر پرسەکە کۆببێتەوە.