سبەینێ پشوی زستانەی ئەنجومەنى نوێنەرانى عێراق كۆتایی دێت، هەفتەی داهاتو كۆبونەوەكانیان دەست پێدەكاتەوە و كارنامەی دوو كۆبونەوە بڵاوكرایەوە و هەمواركردنەوەی یاسای بودجەی تێدایە.

هەواڵ:KNNC

فەرمانگەی میدیای ئەنجومەنى نوێنەرانى عێراق، كارنامەی كۆبونەوەى لە رۆژی یەك شەممە 12ی كانونی دووەم بڵاوكردەوە كە پێكهاتوە لە شەش بڕگە.

لەو كۆبونەوەیەدا دەنگ لەسەر پێشنیاری هەمواركردنەوەی یەكەمی یاسای پاسپۆرت و خوێندنەوەی یەكەم بۆ هەمواركردنی یاسای خانەنشینی و پرۆژەیاسای رێكخستنەوەی كرێی خزمەتگوزارییەكان لە فەرمانگەكانی دەوڵەت دەكرێت.

كارنامەی كۆبونەوەی رۆژی دوشەممەی پەرلەمانی عێراقیش پێكهاتوە لە 10 بڕگە لە خوێندنەوەی یەكەم و دوەم و دەنگدان لەسەر ژمارەیەك پرۆژەیاسا، گرنگترینیان هەمواركردنەوەی یاساكانی بودجە و مافی كەمینەكان و جینۆسایدی ئێزدییەكانە.