نوێترین ریزبەندى کە تایبەت بە بەهێزترین بۆ لاوازترین سوپا لە جیهاندا کراوە، دەریخستوە عێراق دوو پلە هاتوەتە پێشەوە  و پلەى 43 لەسەر ئاستى جیهان گرتوە و پێش سویسرا کەوتوە.

هەواڵ:KNNC

بەپێی ریزبەندییەکە کە بۆ 145 وڵات کراوە؛ 60 هۆکار بۆ دیاریکردنى بەهێزى سوپاى وڵاتان دانراوە،کە دیارترینیان رێژەى سەرباز و دۆخى دارایی و توانا لۆجستییەکان و جوگرافیایە.

ئەوەخراوەتەڕو کە ئەمەریکا توانیویەتى پلەى خۆى لە بەهێزترین سوپاى جیهان بپارێزێت و دواتریش روسیا و چین و هندستان دێن.

لەسەر ئاستى وڵاتانى عەرەبى، سوپاى میسر لە پلەى 19 دێت، دواى ئەو سعودیە و جەزائیر و عێراق و ئیمارات دێت.

بەپێی ئەو ریزبەندییەى ئەنجامدراوە، سوپاکانى تورکیا و ئێران ریزبەندییەک هاتونەتە دواوە، میسریش لە پلەى 15 بۆ 19 پاشەکشەى کردوە و ئیسرائیل شوێنى گرتوەتەوە.

لەسەر ئاستى رۆژهەڵاتى ناوەڕاست، بۆ ساڵى 2025 بەهێزترین سوپا هى تورکیایە و لەسەر ئاستى جیهان لە پلەى 9 دێت دواتریش ئیسرائیل لە پلەى 15 و ئێرانیش لە پلەى 16 دێت.