رەشنوسى رێککەوتنى ئاگربەستى نێوان ئیسرائیل و بزوتنەوەى حەماس بڵاوکرایەوە کە  بە دو قۆناغ  بەڕێوە دەچێت و ماوەى 84 رۆژ دەخایەنێت.

هەواڵ:KNNC

میدیا عەرەبییەکان، ڕەشنوسى ئاگربەستی نێوان حەماس و ئیسرائیل یان بڵاوکردەوە کە دو قۆناغ لە خۆدەگرێت و هەر قۆناغێکیش 42 ڕۆژ دەخایەنێت.

بە گوێرەی زانیاریەکان بڕیارە لە قۆناغی یەکەمدا کردەوە سەربازییەکانى حەماس و ئیسرائیل بە شێوەیەکى کاتى رادەگیرێن، هەر لەو قۆناغەدا هێزەکانی ئیسرائیل بەرەو ڕۆژهەڵاتى کەرتى غەززە و ناوچە سنورییەکان پاشەکشە دەکەن، هێرشە ئاسمانییەکانی ئیسرائیلیش رۆژانە 10 بۆ 12 کاتژمێر رادەگیرێت و ئاوارەکانیش دەگەرێنەوە.

بڕیارە هەر لەو قۆناغەدا بارمتە مەدەنییەکانی ئیسرائیل ئازاد بکرێن و ئیسرائیل لە بەرامبەر ئازادکردنی هەر بارمتەیەک  30 زیندانی فەلەستینی ئازاد دەکات.

لە قۆناغی دوەمی ئاگربەستەکە پرسی ڕاگرتنی هەتاهەتایی جەنگ و ئاڵۆگوری سەرجەم بارمتە ئیسرائیلییەکان جێبەجێ دەکرێت، هەر لەو قۆناغەدا پرسی ئاوەدانکردنەوەی غەزە لە ماوەی سێ بۆ پینج ساڵدا دەچێتە بوارى جێبەجێکردنەوە