لەگەڵ بڵاوبونەوەی هەوآڵی ئاگرەکەی ویلایەتی کالیفۆرنیای ئەمریکا، ماڵپەڕی ژینگەپارێزی ئێرس ئۆرگ، ریزبەندیی گەورەترین ئاگری دارستانەکانی لە مێژوی هاوچەرخ لە ئاستی جیهان بڵاو کردوەتەوە و  ئاماژەی بەوەکردوە، کە ئاگرەکەی ئێستای ئەمریکا گەورەترین ئاگر نییە ئەگەرچی زۆرترین زیانی لیکەوتبێتەوە.

گەورەترین ئاگرەکان لە مێژو ئەمانەن:

1- ئاگرکەوتنەوە لە دارستانەکانی تایگای سیبیریا؛ ساڵی 2003  لە دارستانەکانی تایگا لە ڕۆژهەڵاتی سیبریا لە ڕوسیا کەوتەوە، 55 ملیۆن دۆنم زەوی لەناوبرد.

2 ئاگرکەوتنەوە لە دارستانەکانی ئوسترالیا،ساڵی 2020 لە ویلایەتی نیو ساوس وێڵز و کوینزلاندی باشوری ڕۆژهەڵاتی ئوسترالیا کەوتەوە،42 ملیۆن دۆنم زەوی سوتاو و هەزاران باڵەخانە وێران بو دەیان کەسیش گیانیان لەدەستدا، سێ ملیار ئاژەڵ لەناوچون.

3- ئاگرکەوتنەوە لە ناوچەی باکوری ڕۆژئاوا لە کەنەدا، ساڵی 2014 زیاتر لە 150 ئاگری جیاواز لە سەرانسەری ناوچەکانی باکوری ڕۆژئاوای کەنەدا کەوتەوە،نزیکەی 8.5 ملیۆن دۆنم  دارستان بە تەواوی لەناوچون.

4- وەرزی ئاگری ئەلاسکا؛ساڵی 2004 لە ویلایەتی ئەلاسکای ئەمریکا کەوتەوە، زیاتر لە 6.6 ملیۆن دۆنم زەوی سوتا.

5- ئاگری هەینی ڕەش، ساڵی 2019 لە ویلایەتی ڤیکتۆریای باشوری ئوسترالیا کەوتەوە،پێنج ملیۆن دۆنم زەوی سوتاند،71کەس گیانیان لەدەستداوە.

6- ئاگری گەورە لە کەنەدا، ساڵی 1919لە دارستانە بۆریالییەکانی پارێزگاکانی ئەلبێرتای کەنەدا و ساسکاچواندا کەوتەوە،نزیکەی پێنج ملیۆن دۆنم زەوی سوتاند،سەدان بینای وێران کرد،11 کەس گیانیان لەدەستدا.

7- ئاگری چینچاگا؛1950 لە باکوری کۆڵۆمبیا و ئەلبێرتای ئەمریکا کەوتەوە،چوار ملیۆن و 200 هەزار زەوی و دارستان سوتان.

8- ئاگرکەوتنەوەکانی بۆلیڤیا؛ساڵی 2010  لە سەرانسەری بۆلیڤیا کەوتەوە،3.7 ملیۆن دۆنم زەویو دارستانی سوتاند.

9- ئاگری گەورەی کۆنتێکتیکۆت؛ ساڵی 1910 لە ویلایەتی ئایداهۆ و مۆنتانای ئەمریکا کەوتەوە،لە دو ڕۆژ سێ ملیۆن دۆنم زەویو دارستانی سوتاند،85 کەس گیانیان لەدەستدا. 

10- ئاگری ئەژدیهای ڕەش؛بە ئاگری داکسینگ ئانلینگ ناودەبرێت، لە ساڵی 1987 لە وڵاتی چین کەوتەوە،زیاتر لە مانگێک بەردەوام بو،نزیکەی دو ملیۆن و 500 هەزار دۆنم زەوی لەناوچون،191 کەس گیانیان لەدەستدا.

11- ڕیچاردسۆن باککانتری فایەر؛ساڵی 2011 لە شاری ئەلبێرتای کەنەدا کەوتەوە،یەک ملیۆن و 700 هەزار دۆنم دارستانی لەناوبرد.

12- ئاگری مانیتۆبا؛ ساڵی 1989 لە کەنەدا کەوتەوە، نزیکەی ملیۆنێک و 300 هەزار دۆنم زەوی لەناوچون.

13- تەکساس فایرز؛2024 لە ویلایەتی تەکساسی ئەمریکا کەوتەوە،یەک ملیۆن و 100 هەزار دۆنم زەوی لەناوبرد.