وەزیری ناوخۆی تورکیا رایگەیاند، لە 19ـی ئەم مانگەوە 1418 کەس لە خۆپیشاندان و ناڕەزایەتییەکان دەستگیرکراون.

هەواڵ:KNNC

عەلی یەرلیکایا وەزیری ناوخۆی تورکیا لە تۆڕی کۆمەڵایەتی ئێکس نوسیویەتی: " لەو خۆپیشاندانە نایاساییانەی لە رۆژی 19ـی ئەم مانگەوە دەستیان پێکردوە هەزار و 418 کەس دەستگیرکراون و بڕیارە 487 کەسیان بدرێنە دادگا".

وتوشییەتی: هەرگیز سازش لەو کەسانە ناکرێت کە تیرۆریان هێناوەتە کۆڵان و شەقامەکان و پەلاماری پۆلیسیان داوە.

رۆژی 19ـی ئەم مانگە، ئەکرەم ئیمامئۆغڵو سەرۆکی گەورە شارەوانی ئیستەنبوڵ بە تۆمەتی تیرۆر بە چەند تۆمەتێک کە ئاڕاستەی کرابو دەستگیرکرا و  لە پۆستەکەی دورخرایەوە، بەهۆیەوە خۆپیشاندان و ناڕەزایەتییەکان چەند شارێکی تورکیا گرتەوە و تا ئێستاش بەردەوامە.