ژمارەی ئەو کەسانەی لە بومەلەرزەکەی بۆرما گیانیان لەدەستداوە بەرزبوەوە بۆ زیاتر لە هەزار کەس و زیاتر لە دوو هەزار کەسیش برینداربون، حکومەتی وڵاتەکەش دەڵێت: چاوەڕواندەکرێت ژمارەی قوربانیان زیاتر بەرزببێتەوە.

هەواڵ:KNNC

دوێنێ هەینی، بومەلەرزەیەکی بەهێز بە گوڕی  7.7 پلە باکوری ڕۆژئاوای شاری ساگاینگ لە ناوەڕاستی بۆرمای هەژاند و زیانی بەرفراوانی لە سەرتاسەری وڵاتەکەدا.

ئەنجومەنی سەربازی دەسەڵاتداری بۆرما بڵاویکردوەتەوە، ژمارەی ئەو کەسانەی بەهۆی بومەلەرزەکەوە گیانیان لەدەستداوە گەیشتوەتە 1002کەس و 2376 کەسیش بریندار بون.

هەربەهۆی بومەلەرزەکەوە، لە شەش ناوچە باری نائاسایی ڕاگەیەنرا، لەنێویاندا شاری مەندالای کە دووەم گەورەترین شاری وڵاتەکەیە، کە نزیک بوو لە ناوەندی بوومەلەرزەکە و وێرانکارییەکی بەفراوانی لێکەوتوەتەوە و تەنها لەو ناوچەیە 694 کەس گیانیان لەدەستداوە و 670 کەسیش برینداربون.

حکومەتی میانمار دەڵێت: چاوەڕواندەکرێت ژمارەی قوربانیان زیاتر بەرزببێتەوە بەهۆی نەبونی پەیوەندی تا ئێستا رادەی راستەقینەی روداوەکە رون نییە.