وەزیری دەرەوەی ئەمەریکا رایگەیاند، نیگەرانن لە نا سەقامگیری دۆخی تورکیا و سەرکوتکردنی ناڕەزایەتییەکانی ئۆپۆزسیۆن لەلایەن دەسەڵاتدارانی ئەو وڵاتەوە.

هەواڵ:KNNC

مارکۆ رۆبیۆ، وەزیری دەرەوەی ئەمەریکا بە رۆژنامەنوسانی راگەیاند، چاودێری دۆخی تورکیا دەکەن، نیگەرانی خۆیان دەربڕیوە و نایانەویت ئەو جۆرە ناسەقامگیرییە لە حکومڕانی هیچ کام لە هاوپەیمانەکانیان ببینن.

هاوکات، خواستی ئەمەریکاشی دەربڕوە بۆ کارکردن لەگەڵ رەجەب تەبی ئەردۆغان، سەرۆککۆماری تورکیا.

وتیشی: نیگەرانن لە دەستگیرکردن و سەرکوتکردنی ناڕەزایەتییەکان لە ناوخۆی تورکیادا.

ماوەی چەند رۆژێکە خۆپیشاندان و ناڕەزایەتییەکان لە تورکیا دژی دەستگیرکردنی ئەکرەم ئیمامئۆغڵو سەرۆکی گەورە شارەوانی تورکیا بەردەوامەوە و تا ئێستا بەهۆیەوە زیاتر لە 1400 خۆپیشاندەر دەستگیرکراون.