سزاکەی ترەمپ، دورگە گرکانیی و سەهۆڵبەندانەکانیشی گرتوەتەوە، کە جگە لە بەتریق کەس تێیاندا ناژی و بەشێکیان کۆتا جار 10 ساڵ پێش ئێستا خەڵک سەردانی کردن.

هەمەڕەنگ:KNNC


دوای چەند کاتژمێرێک لە بڵاوبونەوەی لیستی ئەو وڵاتانەی کە لەلایەن دۆناڵد ترەمپەوە باجیان بەسەردا  سەپێنراوە، چەند شوێنێک بوە جێی سەرنجی میدیا جیهانییەکان، چەندین کاردانەوەی بەدوای خۆیدا هێناوە، بەشێک لەو زەویانە کەسی تێدا ناژی.

کۆمەڵێک دورگەی گڕکانی بێ بەرهەم و بێ کەس کەوتونەتە داوی سزا و باجەکانی ترەمەوە، کە رۆژی چوار شەممە رایگەیاند، ئەو شوێنانە  کە بە سەهۆڵبەندان داپۆشراون و تەنها بەتریقی لێ دەژی، بە فەرمی لەلایەن ترەمپەوە سزایان خراوەتە سەر.

ڕۆژنامەی گاردیان بڵاویکردوەتەوە لە شەڕی بازرگانی دۆناڵد ترەمپدا، ئەو شوێنانەی کەسیشی لێ ناژین سەلامەت دەرنەچون و کەوتونەتە ژێر کاریگەرییی بڕیارەکەی ترەمپەوە، بەبێ ئەوەی هیچ هەناردەیەک بکەن باجی 10%ی  خراوەتە سەریان.

هەروەها دورگەکانی هێرد و دورگەکانی ماکدۆناڵد کە خاکێکی دەرەوەی ئوسترالیا پێکدەهێنن، لە دورترین شوێنەکانی سەر زەوین، تەنها لە ڕێگەی گەشتێکی دوو هەفتەیی بەلەمەوە لە پێرسەوە لە کەنارەکانی ڕۆژئاوای ئوسترالیا دەتوانرێت بگاتە ئەو شوێنانە.

 ئەو شوێنانە کەسی تێدا ناژی، بەگوێرەی زانیارییەکانی گاردیەن و دوایین سەردان لەلایەن خەڵکەوە پێدەچێت نزیکەی 10 ساڵ لەمەوبەر بێت.

لەلای خۆیەوە سەرۆکوەزیرانی ئوسترالیا ئەنتۆنی ئەلبانیز ئەمڕۆ  پێنجشەممە ڕایگەیاند: هیچ شوێنێکی سەر زەوی لەدەستی ترەمپ سەلامەت نییە و هەموی لە مەترسیدایە.