تەنها خودی خۆی فکرو بیری نیشتمانی و نەتەوەیی بو، خۆی یاخی بو لە واقع لەنەبونیش واقعی دەخوڵقاند، لەوپەڕی نائومێدی هیواو ئومێد بو ، لەسەختی دا سەخت بو لەناسۆردا فریادڕەس، لە نسکۆدا داینەمۆ و لە نەماندا سەرەتا و لە کۆتاییدا ڕاپەڕین.

مێژو نوس بو مێژوشی نەخشاند، گوڵچنی ڕێگا و ڕێگا گوڵڕێژ بو ،دڕکی نەیار وبۆ یاریش گوڵ بو  ، قەڵەمی خەبات و عەقڵی شۆڕش بو ، لەشەڕدا نەخشە و هێرش و ورەو لە ئاشتی خۆی شنە با بو.

دەنگی دلێر و گەنجی بوێر بو لەناو پارتی دا ، هاوڕێ و سەرکردە و برای ڕەنجدەران لەکۆمەڵەدا ، وەفاو خۆبوردو پەناو پشتگرتن بەمشور و خەمخۆر لەیەکێتی دا ، لەبنیات نان دا هێزی نەبراوە و خۆ بەدورگر بو لە یەک کوژی دا ، ڕێفۆرم و نوێخواز لە وەستاوی دا مۆمی گۆڕان بو لەرزە و هەژان بو لە گەندەڵی دا.

بەجەستە ڕۆشتو زیندو لەناخا، ئەوەش نەیدیبێ یان نەیناسیبێ هەر بۆی بەداخە ، ئەوەی پێی کرا زۆر لەزیاد کردی، ئەوەی پێی نەکرا بۆ ئێمەی جێهێشت بەنەخشەڕێگا و لەسەختی و داخا.

ڕۆحت شاد