توێژینەوەکان گەیشتونەتە ئەو ئەنجامەى کە مێشکی
ژنان لە کەشی گەرمدا باشتر کار دەکات و سەرنجیان لە گەرمادا وردتر دەبێت، پیاوانیش
بەپێچەوانەوە مێشکیان لە کەشى فێنکدا باشتر کاردەکات.
تەندروستى:KNNC
توێژینەوەیەکی زانستی لەسەر چالاکییەکانی مێشک
لە نێوان ژنان و پیاوان لە ئەڵمانیا ئەنجام دراوە کە (500) کەس بەشدارییان تێدا
کردوە و دەرکەوتوە، مێشکی ژنان لە پلەی بەرزی گەرمیدا چالاکترە لە کاتێکدا پیاوان
بە پێچەوانەوە و لە پلەی نزمدا مێشکیان چالاکە.
بە پێی توێژینەوەکە؛ توانای مێشکی ژنان لە کاتی
بەرزبونەوەی پلەی گەرمادا زیاترە و تواناکانیان لە بواری ماتماتیک و قسەکردندا بەراورد
بە پیاوان زیاتر دەبێت.
پیاوان بە پێچەوانەی ژنانەوە، لە کەشە فێنک و
ساردەکاندا مێشکیان چالاکتر دەبێت و ئاستی توانا و بەرهەمی بیرکردنەوە و کارەکانیان
زیاتر دەبێت، بەڵام بەرزبونەوەی پلەی گەرما توانا و چالاکییەکانی ژنان بەشێوەیەکی
بەرچاو بەراورد بە پیاوان زۆر زیاتر دەبێت و بەرهەمی کارو چالاکییەکانیشیان زۆر زیاتر
دەبێت.
125 جار خوێندراوەتەوە