چەند هۆکارێک لە چاودا وادەکەن، لاوازی بینین دروستببێت، پزیشکێکی پسپۆڕ ئەو هۆکارانە ئاشکرادەکات، دەبنەهۆی لاوازی بینین لە کەسەکاندا.

تەندروستی:KNNC

کیریل سڤێتلاکۆڤ، پسپۆڕێکى نەخۆشییەکانى چاو پێنج هۆکار دەخاتەڕو کە دەبنە هۆی لاوازی بینین کە بریتین لە:

-  بۆماوەیی: واتا گواستنەوەی نەخۆشیەکە لە رێگای کرۆمۆسۆمەکانەوە، ئەمەش زۆر جار لە دایک و باوک یان باوباپیرانەوە دەگوازرێتەوە.

-  شێوازی دانیشتن: پسپۆران لە ئێستادا شێوازی دانیشتن بە کێشەیەکى بەربڵاودادەنێن کە دەبێتە هۆی تێکچونی بینای چاو، شێوازی خراپ دانیشتن لە گەورە و مناڵدا وەک یەکە و پسپۆڕانی چاو هۆشداری دەدەنە پێویستە زیاتر بە ئاگابن لەم حاڵەتەدا.

-  خۆراک: دەبێت خۆراک هەمە جۆربێت، چونکە کەمی ماددە خۆراکییەکان لە لەشدا دەبێتە هۆی خراپی کارکردنی هەندێک لە پێکهاتەکانی چاو لەسەر مرۆڤ.

-  زۆربەکارهێنانی ئامێرە ئەلیکترۆنییەکان: لە ئێستادا بە کێشەیەکی گەورە دادەنرێت و کاریگەری راستەوخۆ لەسەر تێکچونی بینایی چاو دروست دەکات.

-  گرنگی نەدان بە پاکوخاوێنی: پێویستە گرنگی بە پاکوخاوێنی چاوەکان بدرێت، بە تایبەت لە خانماندا بەرهەمی تایبەت بەکاربهێنن بۆ لابردنی ماکیاژ و کەرەستە جوانکاریەکان ئەگەر نا دەبێتە هۆی هەوکردن، رژێنەکان ناتوانن بە شێوەیەکی رێکوپێک کاربکەن، ئەمەش هۆکارێکی ترە بۆ تێکچونی بینین.