لە روداوێکی هاتوچۆدا لە سنوری پارێزگای کەربەلا دو کەس گیانیان لەدەستدا و نۆ کەسی دیکەش برینداربون، تەواوى قوربانییەکانیش زیارەتکارن و لە ئێرانەوە هاتونەتە خاکى عێراق.

هەواڵ:KNNC

میدیا عێراقییەکان بڵاویانکردەوە: لە روداوێکی هاتوچۆدا لەسەر ڕێگاى نێوان کەربەلا و نەجەف، ئۆتۆمبێلێك لە جۆری کۆستەر کە زیارەتکاری ئێرانی تێدا بو وەرگەڕا.

ئاماژەیان بەوەشکردوە: لە ئەنجامی وەرگەڕانی ئۆتۆمبێلەکە دو زیارەتکارى ئێرانى گیانیان لەدەستداوە و نۆ کەسی دیکەشیان برینداربون کە برینی بەشێکیان سەختە.

ساڵانە زیارەتکارێکى زۆر لە وڵاتى ئێرانەوە دێنە عێراق و بۆ ئەمساڵیش بەشێک لە دەروازە نێودەوڵەتییەکانى هەرێمى کوردستانیش پێشوازى لە زیارەتکاران دەکەن و دەروازەى نێودەوڵەتى حاجى ئۆمەرانیش رایگەیاند؛ بەمەبەستى سەردانى زیارەتکاران گەشتکردن بە پاس و ئۆتۆمبێلى تایبەت لە هەرێمى کوردستان بۆ ئێران و بە پێچەوانەوە؛ تا ماوەیەکى کاتى رادەگیرێت.