سەرۆک وەزیرانی عێراق جەخت لە هەڵبژاردنێکی ئازاد و دادپەروەر بۆ پەرلەمانی کوردستان دەکاتەوە و پاڵپشتی حکومەتیشی بۆ کۆمسیۆنی هەڵبژاردنەکان دوپاد کردەوە.

هەواڵ:KNNC

محەمەد شیاع سودانی، سەرۆکوەزیرانی عێراق و دەستەی کۆمیسارانى سەربە کۆمسیۆنی باڵای سەربەخۆی هەڵبژاردنەکانی عێراق لە بەغداد کۆبونەوە و پرسی دواین ئامادەکارییەکانیان بۆ هەڵبژاردنی خولی شەشەمی پەرلەمانی کوردستان تاوتوێ کرد

بەگوێرەی راگەیەنراوی نوسینگەی سەرۆک وەزیرانی عێراق، سودانی لە کۆبونەوەکەدا پاڵپشتی حکومەتی بۆ هەوڵەکانی کۆمسیۆن و دەستەبەرکردنی هەمو پێداویستیەکانی پڕۆسەی هەڵبژاردن دوپات کردوەتەوە و جەختی کردوەتەوە کە دەبێت هەمو هەوڵێک بدرێت بۆ ئەنجامدانی هەڵبژاردنێکی رون و بێلایەن.

جەختیشی کردوەتەوە کە دەبێت هەڵبژاردنی پەرلەمانی کوردستان بەشێوەیەکی ئازاد و دادپەروەر بەڕێوە بچێت و پاراستنی دەنگی دەنگدەران مسۆگەر بکرێت.