راوێژکارێکى حکومەتى عێراق ئێران وەک خێوەتى بەرخۆدان ناودەبات و هێرشەکانى مقاوەمەى ئیسلامیش وەک شانازیی بۆسەر ئیسرائیل باس دەکات.

هەواڵ:KNNC

ئاژانسى (سەدا وەسیما)ـى ئێران لە زارى شێخ محەمەد سەعید نوعمانى، راوێژکارى سەرۆک وەزیرانى عێراق بۆ کاروبارى فەرهەنگى بڵاویکردوەتەوە کە؛ کۆمارى ئیسلامى ئێرا خێوەتى بەرخۆدان و بەرگرییە و بنەماکانى لە هەمو سەنگەرەکانى بەرگرى لە لوبنان و سوریا و عێراق و یەمەن و فەلەستین دەچێنێت.

ئاماژەى بۆ ئەوەشکردوە کە شانازییەکى زۆر بە هێرشەکانى بەرەى مقاوەمە دەکەن و وتویەتى:" پێشتر فەڵەستینییەکان دژى ئیسرائیل بەرخۆدانیان دەکرد، بەڵام بەتەنها بون و پشت و پەنایان نەبو.

لە بەشێکى دیکەى قسەکانیدا راوێژکارەکەى سەرۆک وەزیرانى عێراق دەڵێت: ئەمە یەکەمجارە بەرەى بەرگرى بەهێز بەناوى مقاوەمە بەرگرى لە فەلەستین و غەززە و لوبنان بکات و دەتوانن بنکەکانیان لە فڕۆکەى بێ فڕۆکەوان و موشەکى دورمەودا بپێکن.

جەختیشیکردوەتەوە کە مقاوەمەى ئیسلامى لە عێراق ئێستا توانیویەتى هاوکێشەى نوێ و بەهێز دورست بکات لە ناوچەکە و جیهاندا و وتى: ئێستا دەتوانین هیواى زیاترمان هەبێت بۆ بەدەستهێنانى سەرکەوتن.