ئێوارەی ئەمڕۆ، ئەنجومەنی وەزیرانی ئیسرائیل كۆبوەوە و رێککەوتنی ئاگربەستی لەگەڵ لوبنان پەسەند کرد.

هەواڵ: (KNNC)

 
لەوبارەیەوە بنیامین نەتەنیاهۆ، سەرۆك وەزیرانی ئیسرائیل رایگەیاند: لە كۆبونەوەی كابینەی جەنگیدا، بڕیاردراوە كە ئیسرائیل هێرشەكانی بۆسەر لوبنان رابگرێت.

وتیشی: ئێستا وەك پێشتر حزبوڵای لوبنان بەهێز نییە، بێجگە لەوەی كە ژمارەیەك لە سەركردەكانی ئەو حزبەیان لەناوبردوە، سوپای ئیسرائیل توانیویەتی زیانی گەورەیان پێبگەیەنێت و ساڵانێكی زۆر بیانگەڕێننە دواوە.

لای خۆشیەوە کەناڵی (12)ـی ئیسرائیل بڵاویكردەوە؛ دوای پەسەندكردنی ئاگر بەست لەلایەن كابینەی جەنگی ئیسرائیل و راگەیاندنیشی لەلایەن جۆبایدن، سەرۆكی ئەمەریكاوە، لە سبەینێ كاتژمێر (10:00)ـی پێش نیوەڕۆوە رێكەوتنەكە دەچێتە بواری جێبەجێ كردنەوە.