بۆ یەکەمجار لە دوای جەنگی غەززەوە، پەیوەندییەکی تەلەفۆنی لە نێوان سەرۆک ئەرکانی هەریەک لە سوپای ئەمەریکا و روسیا ئەنجام درا، تێدا باس لە دوایین پێشهاتەکانی ناوچەکە و شەڕی ئۆکرانیا کرا.

هەواڵ:KNNC


سوپای ئەمەریکا رایگەیاند: جەنەڕاڵ چاڕڵز کیو براون، فەرماندەی سەرۆکایەتیی ئەرکانی هاوبەشی سوپا، لەگەڵ هاوتا روسییەکەی، ڤالێری جیراسیمۆڤ بۆ یەکەم جارە لە دوای دەستپێکی جەنگی غەززەوە، پەیوەندیەکی تەلەفۆنی ئەنجام بدەن .

بەپێی راگەیەنراوەکە، پەیوەندییەکە لە 27ی مانگی رابردو لەسەر داوای روسیا ئەنجامدراوە و لە ئێستادا ئاشکرا کراوە، هەر دو فەرماندەکە باسیان لە چەندین بابەتی جیهانی و ناوچەیی کردوە لە نێویاندا جەنگى ئۆکرانیا و رۆژهەڵاتی ناوەڕاست.

ئەم پەیوەندییە لە کاتێکدایە، گرژییەکانی شەڕی ئۆکرانیا، زیادیکردوە و ئۆکرانیا موشەکی ئەمەریکی و بەریتانیای ئاراستەی خاکی روسیا کرد و جۆ بایدنیش بە بڕی 725 ملیۆن دۆلار هاوکاریی کێیفی کردوە.