هەفتەی جارێك كوژاندنەوە و دوبارە هەڵکردنەوەی مۆبایلە زیرەكەكان پێویستە، چونكە کاریگەری لەسەر بەرز كردنەوەی ئاستی پارێزاوی لە چالاكە گوماناوییەكان هەیە.

زانستی: (KNNC)

شارەزایانی ئاسایشی ئەلیکترۆنی ئاماژەیان بۆ ئەوە كردوە، كوژاندنەوە و دوبارە هەڵکردنەوەی مۆبایلە زیرەكەكانتان ئەگەر لە هەفتەی جارێكیش بوبێت پێویستە، هەنگاوێکی سادەیە، بەڵام کاریگەری لەسەر بەزركدنەوەی ئاستی پارێزراوی چالاكە گوماناوییەكان و باشترکردنی کارایی ئامێرەکە هەیە.

دەشڵێن: گرتنەبەری ئەم هەنگاوە، بەتەواوی مەترسییە ئەلیکترۆنییەكان لەناو نابات، بەڵام دەرفەت دەدات بە سیستەمی کارپێکردن بۆ دۆزینەوە و رێگریکردن لە ئەو چالاكییانەی كە گومانیان لەسەرە.

هەروەك ئەوەیانخستوەتەڕو، بەکارهێنانی ڕۆژانەی مۆبایلەكانتان دەبێتە هۆی عەمباركردنی زانیاری بەشێوەیەكی كاتی، بەتێپەڕبونی كاتیش دەبێتە هۆی خاوبونەوەی بەڵام بە كوژاندنەوە و هەڵکردنەوە سەرجەم داتا كاتییەكان پاک دەکاتەوە و خێرایی مۆبایلەکە بەرز دەکاتەوە.

شارەزایانی ئاسایشی ئەلیکترۆنی ئاشكرایان كردوە، لە کاتی دوبارە داگیرساندنەوەی مۆبایلەكانتان داخستنی ئەو پڕۆگرامانەی ناپێویستن یارمەتیدەرە بۆ باشکردنی بەکارهێنانی و درێژکردنەوەی تەمەنی پاتری هەروەها رێگری لە گەرمبونی ئامێرەکە دەكات.

بۆ پاراستنی مۆبایلەكانتان سپۆڕان ئەم رێوشوێنانەیان دیاری كردوە كە جێبەجێی بكەن:

1- نوێکردنەوەی سیستەمی کارپێکردن بەشێوەیەكی بەردەوام.
2- بەكارهێنانی وشەی نهێنی بەهێز، باشتر وایە پیتە ئینگلیزییەكان بەگەورە و بچوک و ژمارە و هێماکان تێکەڵ بکرێت بۆ زیادکردنی ئاسایش.
3- دورکەوتنەوە لە لینکی گوماناوی: ئاگاداربە هەندێك جار لینک یان هاوپێچی گوماناویت بۆدێت كە جێگەی متمانە نین.
4- بەكارهێنانی پەنجەمۆر یان دەموچاو بۆ بەرزکردنەوەی ئاستی پاراستنی زانیاری.