هێرش و پێشێلکارییەکانی تورکیا و گروپە چەکدارە هاوپەیمانەکانی بۆسەر رۆژئاوای کوردستان بەردەوامە و بەگوێرەی ئامارەکان لە ماوەی 40 رۆژدا، 135 هاوڵاتیی مەدەنی بونەتە قوربانی ئەو هێرشانە.

هەواڵ:KNNC

رێکخراوی مافی مرۆڤی عەفرین-شەهبا، راپۆرتێکی لەسەر پێشێلکارییەکانی تورکیا و گرپە چەکدارەکان لەدژی ناوچەکانی ئیدارەی خۆبەڕێوەبەری رۆژئاوای کوردستان بڵاوکردەوە و بەگوێرەی ئامارەکان، لە مانگی تشرینی دووەم تا هەشتی کانونی دووەمی 2025، بەهۆی هێرشی ئاسمانی تورکیا و هێرشی گروپە چەکدارەکانی هاوپەیمانی 92 هاوڵاتی مەدەنی شەهید بون کە دوانیا رۆژنامەنوس بون و 43 هاوڵاتی دیکەش برینداربون.

بەپێی ڕێکخراوەکە، لەو ماوەیەدا لە کانتۆنی عەفرین 145 کە 17یان ژن و لەکانتۆنی مەنبج و فوراتیش 16 کەس کە پێنجیان ژنن لەلایەن چەکدارانی هاوپەیمانی تورکیاوە ڕفێندراون. 

لە راپۆرتەکەدا هاتوە، لەدوای داگیرکردنی شەهبا لە دووی کانونی یەکەمی رابردو، لەلایەن گروپە چەکدارەکانی سەر بە تورکیاوە 300 کەس کە زۆربەیان ژن و گەنج بون چارەنوسیان نادیارە.