سەرۆکی ئەمریکا بڕیاری داخستنی وەزارەتی پەروەردەی وڵاتەکەی واژۆکرد، جێبەجێ کردنی بریارەکە پێویستی بە پەسەندکردنی کۆنگرێس هەیە، بە گوێرەی بریارەکە ئەرکی وەزارەتی پەروەردە دەدرێت بە پەروەردەی ویلایەتەکان.

هەواڵ:KNNC

دۆناڵد ترەمپ، سەرۆکی ئەمریکا بڕیاری داخستنی وەزارەتی پەروەردەی فیدراڵیی ئەمریکای واژۆکرد و بریارەکە دوای پەسەندکردنی کۆنگرێس دەچێتە بواری جێبەجێکردنەوە.

ترەمپ پێش واژۆکردنی بریارەکە رایگەیاند، حکومەت بە بری 1.6 ترلیۆن دۆلار قەرز بۆ کەرتی پەروەردە تەرخان دەکات و وەک بانکێکی گەورەی لێهاتوە لەکاتیکدا وەزارەتی پەروەردە بانک نییە.

ترەمپ ئاماژەی بۆ ئەوەش کرد، ئەمریکا زیاتر لە هەر وڵاتێکی دیکە پارە بۆ قوتابییەکانی خەرج دەکات، بەپێچەوانەوە ئاستی زانستی قوتابییەکان لە ئاستی پێویستدا نییە.

سەرۆکی ئەمریکا،جەختی کردەوە لەوەی دواجار ئەرکە سەرەکییەکانی وەزارەتی پەروەردە دەتوانرێت و دەبێت گەڕێندرێنەوە بۆ ویلایەتەکان.