د. کامەران رەسوڵ ژاژڵەیی، پسپۆڕی زانستی خۆراک دەڵێت: ماست یەکێکە لەو خۆراکانەی کە پزیشکە پسپۆرەکان کۆکن لەسەر سودە تەندروستییەکانی، هەروەها بە یەکێک لە باشترین خواردنەکان دادەنرێت بەتایبەت لەمانگی رەمەزان و لە ژەمی پارشێودا.

هەروەها، باس لە گرنگترین ئەو هۆکارانە دەکات کە وادەکات رۆژانە ماست بخورێت:

- سه‌رچاوه‌یه‌کی باشه‌ بۆ پڕۆتینە؛ هه‌ستی برسیه‌تی که‌م ده‌کاته‌وه‌ له‌ کاتی به‌ڕۆژبون دا

-بڕێکی باش له‌ ڤیتامینه‌کانی تێدایه‌ وه‌ک ڤیتامین ( B  ) و ( D ) له‌گه‌ڵ کانزاکانی وه‌ک کالسێوم و پۆتاسێوم و مه‌گنسیوم

- ده‌وڵه‌مه‌نده‌ به‌ مادده‌ی پڕۆباتیکه‌کان؛ که‌ بریتی یه‌ به‌کتریا سوودبه‌خشه‌کان به‌ له‌ش که‌ کاری کۆئه‌ندمی هه‌رس ڕێک ده‌خات و پاش سکچون یان وه‌رگرتنی ئه‌نتی باێوتیکه‌کان ژماره‌ی به‌کتریا سودبه‌خشه‌کان که‌م ده‌کات و له‌ ناو ده‌چن.

-بۆ خۆپاراستن له‌ نه‌رمبونه‌وه‌ی ئێسک و کلۆربونی ددان.

- که‌مکردنه‌وه‌ی ئه‌ه‌ری تووشبوون به‌ شێرپه‌نجه‌ی قۆڵۆن.

- ماستی بێ چه‌وری یارمه‌تی دابه‌زینی کۆلیستڕۆڵی خراپ و فشاری خوێن ده‌دات,

- ماستی بێ چه‌وری ڕێگری ده‌کات له‌ زیادبونی کێش و قه‌ڵه‌وی ورگ و یارمه‌تی دابه‌زینی کێش ده‌دات.

- به‌هێزکردنی کۆئه‌ندامی به‌رگری له‌ش له‌گه‌ڵ ئاسانکردنی هه‌ڵمژینی هه‌ندێک ڤیتامین و کانزاکان له‌ ڕیخۆڵه‌دا.

-ماستی بێ چه‌وری خۆراکێکی باشه‌ بۆ ئه‌و که‌سانه‌ی هەستیارییان بە شیرهه‌یه‌ یان ئه‌و که‌سانه‌ی گرفتی کۆڵۆنیان هه‌یه‌.

- یه‌کێکه‌ له‌ باشترین خواردنه‌کان بۆ ئه‌و ئافره‌تی دووگیانی به‌ڕۆژو به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.

- یارمه‌تی ڕێک کردنه‌وه‌ی خه‌و ده‌دات.

- یارمه‌تی چاک بونه‌وه‌ی برین و هه‌وکردنی گه‌دده‌ و دوانزه‌گرێ ده‌دات به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.