سەرۆکی یەکێتی نیشتمانی کوردستان، پەیامێکی پیرۆزبایی ئاڕاستەی رێکخەری گشتی بزوتنەوەی گۆڕان کرد و هیواخوازە هەموان بەگیانی بەرپرسیارییەتییەوە هەنگاو بنێن بۆ چارەسەرکردنی کێشەکان.

هەواڵ:KNNC

لە پەیامەکەیدا بافل جەلال تاڵەبانی، سەرۆکی یەکێتی نیشتیمانی کوردستان نوسیویەتی: " لە دڵەوە پیرۆزبایی جەژنی رەمەزان لە خۆتان و خانەوادەکەتان دەکەم، هیوادارم هەمیشە لە خۆشی و شادیدا بۆنەکان بەڕێبکەن".

دەشڵێت: ئومێدەوارین ئەم جەژنە ببێتە مایەی خێر و خۆشی بۆ هەمولایەک، هاندەرمان بێت تا بە گیانی لێبوردەیی و بەرپرسیارییەتیی و نیشتمانییەوە پێکەوە هەنگاو بنێین لەپێناو تەبایی و یەکڕیزی گەلی کورد و چارەسەرکردنی کێشەکان و نەهێشتنی کەموکورییەکان و باشترکردنی حوکمڕانی و ژیانی کۆمەڵانی خەڵکی کوردستان.