میدیاکاری دیاری کوردی دەنگی ئەمەریکا لە تەمەنی (63) ساڵیدا کۆچی دوایی کرد.


هەواڵ: (KNNC)


بەڵێن ساڵح، بەڵێن ساڵح میدیاکاری دیاری کوردی دەنگی ئەمەریکا لە ساڵی (1961) لە هەڵەبجە لەدایک بوە، بەهۆی کارکردنی باوکییەوە پۆلی یەکەمی سەرەتای لە شەقڵاوا و پۆلی دو لە هەڵەبجە و دواتر لە خوێندنگەکانی بێکەس و گۆران لە شاری سلێمانی قۆناغی سەرەتایی تەواوکردوە.


قۆناغی ئامادەیی لە هەردو ئامادەیی سەڵاحەدین لە سلێمانی و دواناوەندی لەڕانیە خوێندوه و پەیمانگەی بەڕێوەبردنی رەسافە لە بەغداد تەواوکردوە.


لە سەرەتای ساڵانی نەوەدەکانەوە دەستی بەکاری رۆژنامەگەری كردوە، لە ژمارەیەک گۆڤار، رۆژنامە، رادیۆ و تەلەڤزیۆن لە هەرێم کاری کردوە و لە ساڵی (1996) لە ویلایەتە یەكگرتوەكانی ئەمەریكا دەژی و لەساڵی (1999)ـشەوە لە بەشی کوردی دەنگی ئەمەریکا كاری كردوە.


لەبنەڕەتدا بەڵێن ساڵح كوڕی یەكێك لە بنەماڵە بەناوبانگەكانی شاری سلێمانییە، ئەمڕۆ یەكشەممە (2025/3/30) لەتەمەنی (63) ساڵیدا لە واشنتۆنی ویلایەتە یەكگرتوەكانی ئەمەریكا كۆچی دوایی كرد.