وەزارەتی دارایی و ئابوری حكومەتی هەرێم بڵاویكردەوە، سبەینێ پێنجشەممە و لە ماوەی سێ رۆژدا موچەی مانگی سێ دابەشدەكرێت.

هەواڵ: (KNNC)


وەزارەتی دارایی حكومەتی هەرێم بڵاویكردەوە، دوای تەمویلكردنی موچەی موچەخۆرانی هەرێم سبەینێ پێنجشەممە (2025/3/25) بە خانەنشینی شارستانی و خاوەن پێداویستی تایبەت، زیندانە سیاسییەكان، بەركەوتوانی چەكی كیمیایی و كەسوكاری شەهیدان و ئەنفاكراوان دەست بەدابەشكردنی موچەی مانگی سێ دەكرێت.


بەپێی ئەو خشتەی وەزارەتی دارایی بڵاویكردوەتەوە، رۆژی هەینی هەریەك لە خانەنشینی پێشمەرگە،  كاروباری شەهیدان و ئەنفالكراوان، پەروەردە، دارایی و ئابوری، دەستەی دەستپاكی، دەستەی وەبەرهێنان، دەستەی ژینگە، دەستەی مین و ناوچەكانی دەرەوەی هەرێم ژمارەیەك لە وەزارەتەكانی دیكەی حكومەتی هەرێم دابەشدەكرێت.


خشتەكەی وەزارەتی دارایی ئاماژەی بۆ ئەوەكردوە كە لە رۆژی شەممەدا دابەشكردنی موچە بەردەوام دەبێت و وەزارەتەكانی كاروكاروباری كۆمەڵایەتی، رۆشنبیری لاوان، كارەبا، ئەوقاف، خوێندنی باڵا، و هەرسێ سەرۆكایەتییەكە و هێزە ئەمنییەكان موچە وەردەگرن.


پێشتر وەزرەتی دارایی و ئابوری حكومەتی هەرێم رایگەیاندبون، دوای گەیشتی بڕی (954.880.467.779) دینار وەك تەمویلی موچەی مانگی ئازار (3)ـی موچەخۆران و فەرمانبەران و خانەنشینانی هەرێمی كوردستان، خرایە سەر هەژماری بانكی وەزارەتی دارایی و لە لقی هەولێری بانكی ناوەندی عێراق، سبەینێ پێنجشەمە دەست بەدابەشكردنی موچەی مانگی ئازار دەكرێت.