سەرۆکی هاوپەیمانی دەوڵەتی یاسا رایدەگەیەنێت، چوارچێوەی هەماهەنگی سورە لەسەر کۆتاییهێنان بە قەیرانی هەڵبژاردنی سەرۆکی ئەنجومەنی نوێنەران.


هەواڵ: KNNC

گوتیشی: پێویستە تیشک بخرێتە سەر کێشە سەرەکیەکانی سەرۆکایەتی پەرلەمان و بە زوترین کات قەیرانی ئەنجومەنی نوێنەران یەکلایبکرێتەوە.

سەبارەت بە سەقامگیری دەسەڵاتی یاسادانانیش وتی: "پشتیوانی لە دەسەڵات دادپەروەری بەدەست دەهێنیت".

نوری مالیکی ئاماژەشی بەوەدا: چوارچێوەی هەماهەنگی جەخت لە تەواوکردنی پرۆسەی سیاسی و کۆتاییهێنان بە قەیرانی هەڵبژاردنی سەرۆکایەتی پەرلەمانی عێراق دەکاتەوە، چونکە چوارچێوەکە زیاتر لە جارێک دەستپێشخەری کردووە بۆ دۆزینەوەی کۆدەنگی نێوان هێزە سوننەکان سەبارەت بە دەستەی سەرۆکایەتی پەرلەمان.