جگە لە ئەیمن حسێنی گۆڵكاری شێرەكانی رافیدەین، هەڵبژاردەی عێراق بە پێكهاتەی یارییەكانی پاڵاوتنی مۆندیالی 2026بەشداری لە جامی كەنداودا دەكات.

وەرزش:KNNC

خیسۆس كاساسی راهێنەری هەڵبژاردەی عێراق لیستێكی سەرەتایی هەڵبژاردەكەی بۆ بەشداریكردن لە 26ـهەمین وەشانی جامی كەنداو ڕاگەیاند كە لە 35 یاریزان پێكهاتون.

بۆ ئامادەبون لە پاڵەوانێتییەكەدا هەڵۆ فایەقی بەرگریكاری یانەی هەولێر لە پاڵ سێ یاریزانی كوردی تردا كە یوسف ئەمین و ئەحمەد یاسین و مێرخاس دۆسكین بانگهێشتكراوە.

كاساس كە نازناوی وەسانی 25ی جامی كەنداوی بۆ عێراق بەدەستهێنا، ئەیمن حسێنی بۆ بەشداریكردن لە جامەكەدا دورخستۆتەوە، بەڵام پێكهاتەیەكی بەهێزی شێرەكانی رافیدەینی بۆ جامی كەنداو ئامادەكردوە.

26مین جامی كەنداو لە نێوان 21ی ئەم مانگە تاكو 3ی سەرەتای ساڵی داهاتو لە كوەیت بەڕێوەدەچێت.