یاریزانێكی میسری، یانە گەورەكانی ئەوروپای بەخۆیەوە سەرقاڵ كردوە و تۆمارەكانیشی كردویەتی بە گۆڵكارێكی نمونەیی.

هەواڵ:KNNC

سەرنجی یانە دیارەكانی ئەوروپا لەسەر عومەر مەرموشـ-ـی هێرشبەری یانەی ئاینتراخت فرانكفۆرتی ئەڵمانی كۆبۆتەوە كە لەم وەرزەدا وەكو باشترین گۆڵكاری كیشوەری پیر خۆی خستۆتەڕو.

عومەر مەرموش، ئاستێكی سەرسوڕهێنەر لەگەڵ یانەكەیدا پێشكەش دەكات و پێش یاریزانی گەورەی بە وێنەی ئیرلینگ هالاندو كیلیان ئێمباپێ و هاری كەین كەوتوە.

بەپێی هەواڵێكی رۆژنامەی زە ئەتلەتیكی بەریتانی رەنگە ئاینتراخت فرانكفۆرت نەتوانێت تاكو كۆتایی ئەم وەرزە دەستی یانەكان لە هێرشبەرەكەی دوربخاتەوە، بەو پێیەی گرێبەستەكەی تاكو كۆتایی ئەم وەرزەیەو نرخی خەمڵێندراویشی لە نێوان 40 بۆ 50 ملیۆن یۆرۆدایە.

عومەر مەرموش لەم وەرزەداو لەكۆی خول و پاڵەوانێتییەكاند 17 گۆڵی تۆماركردوەو خاوەنی 11 ئەسیستیشە.