لە روداوێکی  هاتوچۆدا لە کۆیە، دوو کەس گیانیان لەدەستدا و چوار کەسی دیکەش بریندار بون.

هەواڵ:KNNC

پەیامنێری کەی ئێن ئێن لە کۆیە رایگەیاند، روداوەکە لە نزیک گوندی داوداوا لە دەشتی کۆیە رویداوە، بەهۆیەوە دوو کەس گیانیان لەدەستداوە و چوار کەسی دیکەش بریندار بون.

هاوکار عەلی، وتەبێژی بەڕێوەبەرایەتی تەندروستی کۆیە بە کەی ئێن ئێنی راگەیاند، ئەو دوو کەسەی گیانیان لەدەستداوە یەکێکیان پیاوێکی تەمەن 48 ساڵە و ئەوەی دیکەشیان ژنە و تەمەنی 70 ساڵە.

وتیشی: لە روداوەکەدا چوار کەس بریندار بون، سێ لە بریندارەکان باری تەندروستییان جێگیرە و ئێستا لە نەخۆشخانە چارەسەر وەردەگرن، بریندارەکەی دیکەش باری تەندروستی ناجێگیرە.

بەپێی زانیارییەکانی کەی ئێن ئێن، ئەو کەسانەی لەم روداوەدا بونە قوربانی، سەرجەمیان خەڵکی دەشتی کۆیە و گوندەکانی سەر بە ناحیەی ئاشتین.

کۆیە- دەریا ئەحمەد